【明報專訊】近年唔少後生仔女都鍾意去工作假期(working holiday)，政府最新宣布，香港同瑞典雙邊工作假期計劃由明年元旦日開始接受申請，港人申請去瑞典嘅名額將不設上限。 勞工處噚日發新聞稿，話香港同瑞典嘅工作假期計劃由後日1月1號開始接受申請，香港申請人名額不設上限，由瑞典申請來港工作假期就有每年500個名額，參加計劃嘅年輕人可以喺對方嘅國家逗留最多12個月，可以打工掙旅費或者報讀短期課程。 勞工處又提到，自2001年開始，香港已經先後同新西蘭、澳洲、愛爾蘭、德國、日本、加拿大、韓國、法國、英國、奥地利同匈牙利簽訂工作假期計劃，至今已經有8.2萬香港青年參加working holiday。
|
| |
| |
;)
