【明報專訊】兩會開幕後，各政協小組都會舉行小組討論，而港區政協委員發言，除咗內容外，佢哋嘅普通話亦有唔少人關注，好似日前其中一個港區政協小組會議開放畀傳媒採訪，政協鄧日燊同邱達昌以普通話發言時，發音似乎比內容更令人印象深刻。 Emily聽聞邱達昌噚日喺閉門小組會上再次發言，佢開首就不忘自嘲，話要「慢慢說」，提到自己作為有線寬頻主席，連有線新聞都話佢嘅普通話有好大進步空間，證明香港係有好大新聞自由咁話。Emily睇番當日有線報道，報道將老闆邱達昌及部分政協會上發言剪輯幾句播出，但並無明言邱達昌嘅普通話「非常普通」嘅。
|
| |
| |
;)
