【明報專訊】律師會早前改選，選出5名新理事，噚日理事開閉門會，內部選出新會長同副會長，亦有討論就修訂《逃犯條例》一事所發�嬼n明內容。現任會長彭韻僖(Melissa)、副會長陳澤銘、喬柏仁同黎雅明分別連任，Melissa同Emily講，會上用�髐@個幾鐘討論修例事宜，大家表達不同意見，佢話方向大致係覺得議題好複雜，希望政府可以多研究、諮詢，但詳情就賣個關子，話呢兩日律師會會發表意見書。

保安局長李家超早前話法律界對《逃犯條例》修訂唔了解運作，但法律界選委去信約見特首林鄭月娥卻被拒，Melissa就話完全歡迎多溝通，因為議題複雜，亦受社會關注，但就唔會約見政府官員商討。佢話過往幾個月出席一�瓥鶡X見到司局長，感覺政府都好願意溝通。

法律界聽日(6日)會舉辦黑衣靜默遊行反對修例，被問到會唔會出席，Melissa冇正面回答，佢話香港係自由社會，《基本法》賦予大家去唔去�幭v利。