【明報專訊】為期約一個月嘅《清明上河圖3.0》展覽噚日喺亞洲國際博覽館開幕。今次展覽除咗將清明上河圖變成一幅5米高、30餘米長嘅2D動態高清投影之外，仲加設咗180度球幕影院「汴河碼頭」，等市民可以好似進入宋朝汴河流域，用第一身嘅角度欣賞清明上河圖。展覽亦設有宋「潮」遊樂園，入面有攤位等小朋友同家長可以體驗到宋朝嘅文化。 宋「潮」樂園人員著古裝 一行入宋「潮」遊樂園，就好似穿越時空返咗宋朝一樣，工作人員著埋古裝，而入面有一個茶藝攤位，市民可以好似咖啡拉花咁喺茶上寫字，體驗宋朝獨有嘅「點茶」文化。 展期由噚日開始去到8月25日，一般票價10蚊，畀多25蚊就可以睇埋球幕影院。亞博館同港鐵合作推出「機場快線」即日來回優惠，憑活動證明同八達通，喺香港站同九龍站就可以換購60元即日來回嘅車票。
|
| |
| |
;){kind=small}
;){kind=small}
;)
