【明報專訊】區議會選舉臨近，各候選人盡力拉票、向街坊展現自己最好嘅一面。出戰沙田富龍選區嘅新民黨廖子聰最近向街坊介紹自己嘅地區工作成績時，提到自己「看到街坊跌倒，馬上叫救護車，並上前協助」。地區工作果然真係「民生無小事」。 廖子聰挑戰競逐連任嘅民主黨曾素麗。有讀者分享廖子聰嘅宣傳單張，上面列出幾項「子聰行動」，包括協助跌親嘅街坊，喺區內「四出行動，務求把損壞設施和馬路立刻修好」等。Emily噚日搵過廖子聰，至截稿前未有回覆。Emily希望街坊跌倒唔會係當區其中一個常見嘅地區問題啦。 早前經民聯李思敏發表工作報告，都提到其中一項政績係為長者執波，「有長者不慎將籃球拋到花槽，阿思為長者撿拾」，成為網民熱話。李思敏參選油尖旺大南選區，同區候選人包括社區前進李國權和蔡其隆。
|
| |
| |
;){kind=small}
;)
