港大醫學院fb：學歷不認可 孫中山「有限度執業」
[2019.05.24] 發表
【明報專訊】近日社會熱議如何吸引海外醫生，家陣海外醫生可以用「有限度註冊」形式喺公立醫院行醫，但考獲執業資格考試前唔可以私人執業。香港大學醫學院facebook噚日出帖介紹國父孫中山，原來當年英國唔承認港大醫學院前身、香港華人西醫書院嘅資格，孫中山未能正式註冊，只獲有限度執業許可證，無幾耐佢就棄醫從文。
英國不承認華人西醫書院資格
帖文提到，孫中山喺1887年入讀同年創立嘅香港華人西醫書院，成為兩名首屆畢業生之一，其中小型手術實習同公共衛生兩科專業試，佢考獲第一名。後來1911年爆發辛亥革命，華人西醫書院併入同年成立嘅港大，但原來當時英國醫務委員會只肯承認港大畢業生資格，畢業於華人西醫書院嘅孫中山只獲一張「有限度執業許可證」，無法成為正式註冊醫生。
後來佢短暫喺澳門同廣州行醫後就棄醫從文，全身投入革命工作。唔知同拎唔到正式註冊資格有無關係呢？
更多港聞
前粉嶺裁判法院上堂 首屆模擬法庭夏令營接受報名
【明報專訊】有近60年歷史、被評為三級歷史建築嘅前粉嶺裁判法院，經過活化後，現時為香港青年協會領袖學院，中學生有好多機會喺呢個古典建築內上堂... 詳情
【明報專訊】教育局「推廣職業專才教育專責小組」（下稱小組）公布諮詢文件，指政府去年調查顯示，只有54％學生受訪者認為職專教育是具價值的升學或...
詳情
相關新聞
