又到聖誕，又到聖誕，聖誕前探訪醫院是英超不少球隊近年指定動作，曼聯亦唔例外，派出路爾斯華倫西亞(圖左)等球員分途為小朋友送上祝福，克服近1年腸胃病復出的費查有感而發：「無人想留在醫院過聖誕，希望可安撫他們吧。」至於對「紅魔」球迷來講，最佳的聖誕禮物當然係贏多幾場，或者炒掉領隊莫耶斯啦！ 費查訪醫院感同身受 至於車仔在聖誕亦唔多好過，日前不敵新特蘭，教頭摩連奴取消了球隊派對。後衛艾殊利高爾身為倫敦地膽，即刻叫埋舒賀爾尼及賴恩貝特蘭到另一個party玩，豈料被人發現現身阿仙奴的聚會，唔通摩帥叫3人刺探軍情，準備周二凌晨作客「兵工廠」的倫敦打吡？
|
| |
| |
;){kind=small}
