【明報專訊】Maria Cordero(肥媽)近日喺大台教煮餸教到深入民心，就連宣傳政改，政府都要搵佢幫手，肥媽話喎，政改同煮餸一樣，每個人口味都唔同，要做到全家人滿意一啲都唔容易，例如片中肥媽老爺就要肥媽煮豬手煮腍啲，個女就要減肥，要食得清淡，無論食咩餸，準時開飯最緊要，2017年最緊要有一人一票普選。 話難就眾人口味 準時開飯要緊 肥媽話政改爭論相當激烈，要求同存異，搵到一個大家都接受但可行嘅方案都好高難度，認為就算唔滿意家陣嘅方案，都可以繼續傾、繼續改良。 段片最後影到肥媽整咗豬手、炸雞翼同青菜等，但屋企人就無話好唔好食，只係大家一齊笑。政府幾個月後先會拎個政改方案出嚟，唔知屆時呢嗰方案啱唔啱大家口味？
|
| |
| |
;){kind=small}
