周一嶽大讚新壁球場
出戰名人盃勝出
[2014.09.01] 發表
【明報專訊】平機會主席周一嶽除咗唱得兩嘴，原來仲係壁球發燒友，佢噚日現身香港壁球公開賽決賽參加「名人挑戰盃」，拍住全國人大代表林順潮，結果以局數2:1贏咗冠軍練馬師葉楚航及金管局總裁陳德霖嘅組合。
賽事喺香港公園體育館舉行，全新透明玻璃壁球場係「摺合式」，有賽事或練習時可由貨倉取出，運到唔同地點搭建。壁球場由馬會捐助香港壁球總會，以132萬元購置，設備屬世界級，符合電視轉播國際賽嘅最新標準。周一嶽話新場視野一流，而且玻璃間縫合細緻，唔會影響擊球方向，香港觀眾有眼福之餘，相信日後可以吸引到更多國際賽來港舉行。
更多港聞
相關新聞
