【明報專訊】早前話陷入財困嘅本地獨立通訊社FactWire傳真社，經過兩星期公眾籌集資金後，籌得啱啱超過100萬元，足夠維持額外4個月嘅運作。創辦人吳曉東話，籌到嘅資金雖然同原先380萬元目標有距離，但可以暫時擺脫即時倒閉嘅危機。 吳曉東話，最新籌集到嘅資金，由幾十蚊一筆到1萬蚊都有，亦有人選擇用年捐2555元或者月捐200元方式支持。佢仲話今次募資勢頭唔錯，相信能為傳真社爭取到額外時間。 吳曉東認為，市民今次肯再資助傳真社，係畀緊機會、畀緊時間佢哋，佢承諾傳真社下個月會繼續發表新嘅報道，報答市民嘅支持。
|
| |
| |
;)
