巴西球星尼馬昨天復出，雖然被自家球迷柴台，但立即於補時建功以作回應，並帶領巴黎聖日耳門主場絕殺斯特拉斯堡1﹕0。

巴黎聖日耳門有留隊前鋒尼馬(圖)復任正選，跟沙拉比亞、迪馬利亞、祖普莫亭合作攻堅，新加盟射手伊卡迪先列後備；至於另一名新兵、剛從皇家馬德里來投的門將基羅拿華斯則正選披甲。

由於扭計轉會，尼馬被自家球迷大喝倒彩，但他於4分鐘妙傳沙拉比亞殺入禁區施射，但被門將沙斯救出。PSG在上半場控制戰局，但未能製造太多入球機會，跟斯特拉斯堡踢成0﹕0完上半場。

尼馬在下半場更加落力，於55分鐘引入推進至禁區邊起腳斜出。PSG久攻不下，先後換入伊卡迪、中場安達靴里拉；雖然加入2名精兵，但PSG仍然無法取得入球。

補時1分鐘，尼馬演出身價，接應後衛艾度謝路的傳中，高難度倒掛射中柱彈入，其後這名巴西國腳再下一城，但被判越位在先，PSG以1﹕0險勝斯特拉斯堡。