【明報專訊】立法會議員呢個周末就會喺上海同中央官員討論政改，無獨有偶，嚟自警務處、入境處、消防處、海關、懲教署同飛行服務隊六大紀律部隊共40名工會同協會代表，噚日應中聯辦警務聯絡部邀請，北上上海9日喺浦東幹部學院上國情班，將同議員上海行撞到正。 不過Emily聽講呢類國情班定期都會搞，暫時行程並無包括見任何中央官員。至於上國情班有咩學？Emily聽講有「一國兩制」與《基本法》、經濟生態發展、中國周邊安全形勢、香港政制發展歷程、中國近代史呀咁，仲聽聞會請到基本法委員會委員譚惠珠、中聯辦前副主任王鳳超講吓政制發展，同埋前高級助理警務處長鄧厚昇講《香港社會發展對執法人員帶來的挑戰》。唔知有份去上海嘅泛民議員有無興趣去講埋一份？
|
| |
| |
