【明報專訊】立法會主席曾鈺成噚日喺報章專欄同讀者講東漢孝女曹娥嘅故事，仲借機開出謎詞：「寬掌彩綢，無財暗卜」，講明猜到嘅四個字係揭示「下一屆行政長官選舉的玄機」，Emily就估到係邊四隻字喇。 曾鈺成借東漢孝女曹娥嘅故事開出燈謎，故事講述曹娥因父親曹盱喺端午節乘船跳舞拜祭「潮神」伍子胥時墮江淹死，悲痛不已，17日後投江而死；才子邯鄲淳寫下嘅碑文，被著名學者蔡邕稱讚，仲贈咗8隻字「黃絹幼婦，外孫齏臼」，但一直無人明。直至聰明嘅楊修發現，要分拆做四對字詞，用嚟猜一個四字詞語，終估到個謎底係「絕妙好辭」(「黃絹」即「色絲」，合「絕」字；「幼婦」即「少女」，合「妙」字；「外孫」係女之子，合「好」字；「齏臼」乃「受辛」之器，合「辭」字)。 文采好好嘅曾鈺成接住開出謎語：「寬掌彩綢，無財暗卜」，話猜出嘅四個字係下屆特首選舉嘅玄機。Emily用同一個方法，好似猜到呢四個字係「拒絕欽點」，唔知大家點睇？會唔會又猜出其他玄機呢？
|
| |
| |
;)
