【明報專訊】東區區議員趙家賢(圖)上年11月初因阻止一個男人襲擊政見不合嘅市民，被對方咬甩左耳。佢噚日用紗布包住耳仔咁參與民陣元旦遊行，佢話如果去到太嘈嘅地方或者聽嘢聽得多，會頭痛、頂唔順，不過噚日狀態還好；雖然傷口已埋口，但因為神經線損傷，風吹到都會痛，所以要繼續包住耳仔。遊行途中唔少市民搵趙家賢合照，同佢打氣。 趙家賢話，唔少市民同佢打氣，但之後要佢安慰番轉頭，好多市民好傷心佢受咗永久創傷，不過喺佢角度，作為民主陣營一員，佢有使命要保護市民。佢感謝市民關心佢嘅傷勢，亦寄語香港市民、年輕人好好保護自己，唔好畀警察濫用暴力對待。趙家賢話，今次遊行好感動，因為由上年6月反修例運動至今，市民熱情都冇冷卻，更團結一致走出嚟反抗政府嘅暴行。
|
| |
| |
;){kind=small}
;)
