【明報專訊】上星期拆禮物日本港上空出現日偏食，錯過咗嘅市民，下周六(11日)凌晨仍有機會觀測到「半影月食」，整個過程歷時約4個鐘。天文台話，由於月食期間月亮嘅仰角較高，若天氣情况許可，市民可於大部分面向西至西北方無障礙物嘅地方觀賞到月食過程。 料當天多雲有薄霧 天文台話，半影月食意指月亮只進入地球半影，而不進入本影，月亮光度會略為轉暗。半影月食下周六凌晨1時05分開始，至朝早5時15分結束，食甚時間為凌晨3時10分，仰角為51度，此時月亮位於本港西面(279度)，面向西面無阻擋嘅地方，都有機會睇到月食過程，但要視乎天氣。根據天文台嘅9天天氣預報，下周六天氣大致多雲，有幾陣薄霧。 香港下一次可以觀測到嘅月食將會係6月6日出現嘅半影月食。太空館資料顯示，今年香港會有4次月食，分別係1月11日、6月6日、7月5日同11月30日，咁啱都係半影月食，當中有3次係可見月食，7月5日嗰次由於喺早上11點開始，所以喺香港係睇唔到嘅。
|
| |
| |
;)
