【明報專訊】新鴻基地產噚日搞咗個活動，宣布設立「優質學堂」，為員工提供230個免費培訓課程，內容由物業管理到心理質素培訓都有，話要提倡「品質文化」云云。新地聯席主席郭炳江同郭炳聯都有出席，但就冇回應傳媒提問，活動一完就成支箭咁走咗。 新盤包3年保養 除咗公布新樓保養由兩年延長至3年外，郭炳聯宣布決定設立一個全新嘅進修平台，畀新地員工、商場租戶員工甚至承建商員工學習。呢個計劃費用全免，課程主要圍繞新地核心業務，例如建築設計、客戶服務等，但都有一啲品格培養課程，好似改善EQ等。 新地直屬員工可以隨意報讀課程，即係話喺銷售部做嘅都可以學建築設計，但非直屬員工就只可以參加同自己工作有關嘅課程。Emily聽到都想進修一下，而如果兩位郭先生下次現身時可以即場指點吓Emily樓市市况就仲好！
|
| |
| |
