【明報專訊】唔少政團都趁前日民陣元旦遊行期間籌款，大家嘅成績都似乎唔錯，好似「守護公義基金」搵咗其中一名受託人、天主教香港教區榮休主教陳日君樞機站台，就籌到大約37萬元。基金會協助承擔「DQ4」(劉小麗、梁國雄、羅冠聰同姚松炎)有關被撤銷立法會議席嘅官司，以及就快開審嘅「佔中九子案」等嘅訟費。 Emily噚日報道咗被褫奪議員資格嘅社民連梁國雄(長毛)亦設街站籌款，仲話「社民連都好窮」，需要市民支持，最終長毛為社民連籌到26萬元。「小麗民主教室」都籌到12.1萬元，劉小麗話好感謝市民參與元旦遊行，喺艱難嘅時代用意志向威權打壓說不。至於香港眾志就籌到超過22萬元，眾志話款項將會用作支持組織日常運作、立法會追討議員薪津，以及政治檢控案件嘅法律費用。
|
| |
| |
;)
