【明報專訊】周日舉行嘅撐警集會，部分記者採訪時亦受撐警者滋擾，即使親建制傳媒亦不能倖免，好似《大公報》記者亦被襲擊需要送院。事源香港眾志黃之鋒當日企喺立法會內隔住玻璃睇住出面嘅情况，撐警市民就係咁指住大樓內嘅之鋒鬧，包括《大公報》在內嘅記者採訪時就畀市民鬧同襲擊。 話採訪「之鋒鬧事」被襲 《大公報》報道形容「傳媒採訪黃之鋒鬧事期間」記者被襲擊及辱罵；又發聲明話該報記者正常採訪時「無端遭到不明人士襲擊」，表明極度憤慨，對粗暴干擾記者採訪行為強烈譴責，又重申採訪係記者職責所在、應受尊重，希望警方嚴肅跟進。 之鋒噚日凌晨就模仿政府新聞稿，出稿「回應」示威者指罵，佢以「黃之鋒強烈關注撐警市民衝擊立法會大樓的行為」為題，形容撐警者意圖衝擊立法會，對呢類行為「予以最強烈憂慮」。
|
| |
| |
;)
