【明報專訊】時下年輕人鍾意打機上網，唔知仲有幾多人習慣到圖書館借書同去書店打書釘呢。香港電台噚日舉辦「第12屆香港書獎」頒獎禮，公布11本得獎書籍，當中有3本都同政治或民主運動有關，包括吳靄儀�鵅m拱心石下—從政十八年》、程翔�鵅m香港六七暴動始末—解讀吳荻舟》，以及黃碧雲�鵅m盧麒之死》。

得獎者吳靄儀：重視議會文化就唔會有年輕人衝

今屆頒獎禮主題係「熟成」，意思係每本書都要經過時間沉澱，先會慢慢滲出佢�鵅u味道」。除�髐W述3本，其餘8本得獎書為《今天四十年》、《尤明實錄(特大本)》、《西西研究資料(一至四冊)》、《余英時回憶錄》、《東方堡壘：香港軍事史(1840-1970)》、《香港足球誌—職業足球五十年》、《霓虹黯色—香港街道視覺文化記錄》同《尋蟲記3—各出奇謀》。

頒獎嘉賓同得獎者陣容強盛，包括民主黨創黨主席李柱銘。前議員吳靄儀講得獎感言時特別提到《逃犯條例》修訂爭議，話一直認為香港最重要就係要建立議會文化，「如果今日立法會仲重視議會文化，年輕人就唔會靠衝立法會去抗惡法」。