【明報專訊】「正義聯盟」主席李偲嫣上星期發起撐警集會，其間播警民衝突片段，並用本地樂隊LMF一首諷刺時弊嘅歌做背景音樂。一向反建制嘅LMF噚日喺facebook發表「嚴正聲明」，話對有支持修例團體喺集會播放LMF作品感到「極度不安」，要求有關團體立即停用，聲明又註明「支持撤回修例嘅團體除外」，帖文一日內吸近萬個讚好。 歌手何韻詩喺fb轉載聲明，話LMF其實可以索償，因為任何團體未經同意喺公開場合播放歌曲，版權持有人絕對可透過香港作曲家及作詞家協會(CASH)，向有關團體收取自己定價嘅版權費。有網民建議LMF直接寄張單畀李偲嫣。 網民建議寄單畀李偲嫣 收版權費 好多反修例網民都留言讚呢篇聲明，有網民話港人面對好多不公義同不合理嘅事，怨氣好重，佢由2003年起聽LMF批評政府嘅歌，去到𠵱家都一樣應景，反映香港無進步，認為香港呢一刻好需要LMF嘅聲音。
|
| |
| |
;)
