【明報專訊】香港學者再獲國際殊榮！中文大學醫學院院長陳家亮噚日獲美國醫學資訊機構「ExpertScape」選為「研究亞士匹靈的全球頂尖學者」，排名仲係亞洲第一！ 今次「ExpertScape」嘅排名分析咗2008至2019年間，全球約4.7萬名學者發表亞士匹靈嘅研究，透過論文性質、期刊影響指數、學者係唔係第一作者等評分。呢10年間曾發表18篇亞士匹靈研究嘅陳家亮，排名列全球首0.062%，更成為全亞洲之冠！ 亞士匹靈好常用，可用嚟預防心臟病發、中風同多種癌症，但佢都係貧血同內出血嘅主因，點平衡風險同好處係全球面對緊嘅挑戰。 正研緊亞士匹靈點樣改患癌風險 陳家亮除咗發現食亞士匹靈引致小腸出血嘅治療方法，仲研究出相關臨牀指引，成果已經被美國、歐洲及亞太區嘅醫學團體採納。陳家亮話，𠵱家仲研究緊亞士匹靈點樣改變患癌風險，Emily好期待研究好消息！
|
| |
| |
;)
