【明報專訊】金管局總裁陳德霖任期本月底屆滿，Emily唔知陳德霖(Norman)未來喺政商界會唔會有新動向，但就知道佢一離任，先會支持母校活動。中文大學10月會舉行「傑出校友訪問計劃」，今年就搵咗1976年崇基社會系畢業嘅Norman返校園，同師生校友分享，喺10月3號至5號出席多項活動。 根據網頁介紹，Norman於10月3號會有專題演講「人生交叉點」，講吓佢由大學畢業後投考AO(政務主任)至加入金管局並晉升至總裁嘅職場經歷；當晚佢又會返去讀書時住嘅崇基明華堂同中大人「夜話」。之後兩日有由佢主講嘅「FinTech對金融產業的革新和挑戰」、「香港的國際金融中心角色和前瞻」演講，Norman更會落場打籃球，跟唔同書院、年代嘅校友組成「中大校友明星隊」，與由師生組成嘅「中大師生隊」打友誼賽。
|
| |
| |
;)
