【明報專訊】全國港澳研究會同香港基本法推介聯席會議噚日一齊搞�黚S首普選研究論壇出現「蝦碌」。論壇開始前，研究會副會長劉兆佳逐一頒感謝狀予與會者，點知頒到畀主持、城大法律學院副教授梁美芬，就無人拎感謝狀畀佳叔，結果佳叔同梁博士兩手空空企�鬘x上唔知點好，場面都幾尷尬。

後來有工作人員將感謝狀遞番上台，梁博士一見感謝狀伸手一搶，拎住幾秒先畀番佳叔，再由佳叔頒番畀自己，場面有趣。不過，尷尬情�G唔止一幕。

抽籤定發言次序 漏戴耀廷

梁美芬抽籤定出發言次序時，點晒所有人名，只欠佔中發起人之一戴耀廷，戴教授唯有用表情提出異議，可惜講者一字排開，梁博士無理到戴教授，繼續開始論壇；論壇去到一半，梁博士又突然叫番戴教授發言。不過，當戴教授想回應內地學者批評話佢發起佔中有違法治精神時，梁博士又唔畀喇，最終好彩公民黨湯家驊同真普聯鄭宇碩抵得諗，主動縮短發言，戴教授先可以講多兩句咋。