[昔日明報]
【明報專訊】俗語話「唔怕生壞命，最怕改壞名」，但民主黨創黨主席李柱銘就對黨名睇得好開，「一個名咋嘛，𠵱家自由黨你真係覺得好自由咩？」李柱銘噚日接受商台訪問時大爆當年笑話，原來1990年成立港同盟(民主黨前身)嘅時候，佢曾經建議將之取名為「香港共產黨」，令中國共產黨鬧「香港共產黨」。
馬丁最近同前政務司長陳方安生去美國講政改，見過美國副總統拜登，結果被親建制報章鬧佢。馬丁就話，中央政府𠵱家態度強硬，所以泛民爭取普選都要堅持，唔能夠退。佢話，公民提名要繼續爭取，因為呢個係最多港人認同嘅方案。
