【明報專訊】工聯會陳婉嫻(嫻姐)因為係政協委員，所以𠵱家喺北京開緊政協會議。Emily噚日碰見佢，見佢一襲輕鬆便服，穿上跑鞋，嫻姐話因為唔想成日開會坐喺度，所以每天步行45分鐘。Emily細睇，嫻姐身穿嘅火紅色冷衫，印有LegCo 96-97字樣，嫻姐話呢件衫係古董，係回歸前殖民年代立法局嘅衫！ 嫻姐話好少丟衣服，呢件衫一直保存住，好有歷史價值。佢噚日早上出席政協小組討論，發言內容係關注自由行及香港承受力問題。佢其後知道，喺早上嘅人大會議，人大委員長張德江都關注自由行對香港影響。嫻姐話，事前完全唔知張德江會講咩內容，今次咁啱大家都講同一議題，所以佢好雀躍，希望中央能夠處理好，研究一下香港對旅客嘅承受力問題。 嫻姐話會喺呢個周日提早返港，因為好想出席周一嘅立法會福利委員會會議，屆時官員會講人口老化對未來公共財政嘅評估，佢想知道呢啲數係點計出嚟。
|
| |
| |
;){kind=small}
