【明報專訊】人紅自然是非多，陳奕迅(Eason)更是惹火人物，不過愈來愈收火的Eason，亦懶理是非麻煩，有時間就約兩大死黨許志安與梁漢文齊齊吹水。前日記者就見3人穿上球衣，在大牌檔傾得興高彩烈，3人齊齊撇甩另一半，原來因為相約一齊去踢波，Eason曾自爆體重188磅，在球場上他亦頂住肚腩，雖然偶有索氣，但亦踢得甚有腳法，被封為球場上的「人肉坦克車」。

陳奕迅與許志安、梁漢文從華星年代相識，一直保持友誼，如果說女人有閨密(閨中密友)，他們同樣是男人中的「閨密」。

�縣j牌檔開餐兼吹水

記者前日在大坑大牌檔遇見3人，都沒有帶另一半在身邊，3人在露天位置傾得眉飛色舞，當然Eason出名「吹神」，安仔與梁漢文就聽多過講；不過Eason的吹神功力令到大家不停開心笑。

吃完午膳後，就由安仔駕車一起到九龍灣露天球場，他們3人在步行到球場一段路程又繼續傾，神情雀躍得有如去旅行一樣，原來早已換上球衣的他們，是到球場與「明星足球隊」一眾好友鬥波。

頂住肚腩過關斬將無難度

雖然Eason頂住肚腩落場，又出名有榕樹腳，不過他在球場亦算敏捷，可能下盤夠穩陣，有如「人肉坦克車」，過關斬將都未有難度，更射入一球靚波，只是偶然走到索氣；當然安仔與梁漢文就更加勇猛，落場還有黃日華、關禮傑等。黃日華更在微博大讚Eason說﹕「今日練波來了個稀客，被他射了球靚波！陳仔你好�洁I」所指的陳仔正是陳奕迅。

老婆愛跑步 老公愛足球

明星足球隊每逢周三踢波，Eason為巡迴演唱，幾乎每個月都不在港，所以近日仍在放假的他，剛好周三不用出外工作，立即相約老友落場踢波，雖然連做演唱會都不能令Eason減到肥，但他喜愛踢波，故安仔與梁漢文就是他最佳良伴，3個人一齊去運動，另一半當然安心又放心，尤其Eason嫂徐濠縈最愛跑步，可惜老公不會陪伴，所以老公去踢波她自然贊成。

(明報獨家)

採訪﹕黃梓烜、劉永銳