【明報專訊】拍過無數經典賭片的導演王晶，在賀歲檔捲土重來，集合周潤發、謝霆鋒與杜汶澤炮製出《賭城風雲》，卡士強勁。杜汶澤笑言當知道可與發哥合作，他就連劇本都未睇便「𦧲飯應」接演，心中還要感激張家輝。「我覺得張家輝搞笑過我，但他現在不拍喜劇，他不做就由我來做，否則我連租樓錢都冇！」 照抄張家輝「化骨龍」 杜汶澤很欣賞張家輝舊作《賭俠1999》的角色「化骨龍」，覺得非常好笑，讓他靈機一觸照抄來搞笑搶鏡。「發哥是神，霆鋒靚仔有型，我當然負責搞笑啦！就如張家輝當年與劉德華鬥實死，難道張家輝不靚仔？我又不靚仔？不過我不夠霆鋒靚仔，所以我照抄『化骨龍』。」 王晶再拍賭片獲發哥教路 杜汶澤大讚霆鋒做喜劇幾叻，發哥則給予後輩很大發揮空間，又贈他影壇生存寶典。「發哥叫我不要揀戲拍，就可以長做長有，以前他搏殺期都無揀戲拍！」杜汶澤在片場最愛與發哥合照和學習影相：「發哥教影相荼毒我，但底片愈大就愈貴，之前搵藉口買兩部新機，畀老婆鬧到飛起。」 王晶相隔20年再與發哥拍賭片，他不想故事再涉及太多江湖恨仇，故戲中加入魔術特技新元素，但他們默契不變。「發哥今次很緊張，給了好多意見，不似當年忙到拍完就各奔前程。」 記者：鍾一虹
|
| |
| |
;){kind=small}
;){kind=small}
;){kind=small}
