【明報專訊】亞視最近努力宣傳重播嘅陳年舊片《我和疆屍有個約會》，事件已經引起網民熱烈討論，仲笑謂亞視點解咁有錢同時間做宣傳，而唔拍過套新嘅。不過，網民有網民笑，亞視依然我行我素繼續懷舊，最近仲宣布嚟緊會重播1994至2000年嘅時事及娛樂資訊節目《今日睇真D》，仲話呢個節目有質素、有意義，係首次重播。 Emily無記錯，《今日睇真D》當年曾因播放解剖羅茲威爾外星人而受爭議，唔知亞視會唔會播番呢一個環節呢。 笑稱不如重播六合彩 亞視話，重播係徇眾要求，嚟緊會大事宣傳，叫市民密切留意。有網民繼續講笑，話寧願睇重播嘅《尋找他鄉的故事》都唔想睇《睇真D》；有網民就話，連時事節目都可以重播，咁日後會唔會連《六合彩》舊攪珠號碼結果都會重播呢？
|
| |
| |
