【明報專訊】葵青區議會嘅民主派上次成功突襲，令民主黨林立志贏到該區基本法推廣小組主席位，但好運可一不可再，噚日葵青區議會公共交通服務工作小組開會，決定嚟緊點用15萬元經費，民主派有14個人出席，建制派只得7個人，理論上應穩贏，點知一到投票，建制派議員拿出9張授權票，加埋在席人員數目，多過民主派，結果激到班民主派集體離場抗議。 區會審經費 民主派人多都輸 民主黨林紹輝同Emily講，民主派唔想呢啲錢又變成蛇齋餅糉，所以提議做大型巴士轉運站研究；但建制派就想將錢分配去葵青內5個區各自用，投票時明明建制派得好少人開會，但最後用授權票嚟贏，咁開會嚟都冇用啦。 Emily問過有份出席嘅民建聯潘志成，潘志成話唔知民主派覺得有咩問題，因為區議會規程係容許有授權票嘅。
|
| |
| |
;)
