【明報專訊】人稱「老虎仔」嘅民協主席廖成利上星期同傳媒茶敘時，矢志爭取2016立法會選舉出選九龍西，仲自詡山貓，以捉鼠為己任，競選行動編號「滅鼠行動」。面對廖成利山貓欲襲，因捉鼠而得「鼠王芬」稱號嘅經民聯梁美芬，就好淡定咁叫Emily翻睇吓卡通片Tom and Jerry，睇睇有咩啟發。 藉卡通片暗諷態度 梁美芬噚日話，距離2016立法會選舉仲有一段時間，唔使咁急講部署，仲話做議員應為服務市民，如果出選只為狙擊某人，將個人擺得高過市民，視野唔夠高，態度唔正確。講講吓，佢就扯到去卡通片Tom and Jerry，話灰貓Tom捉老鼠仔Jerry就不時反被整蠱，暗諷山貓苦苦相纏可能只會徒勞無功。至於佢覺唔覺得自己係Jerry？梁美芬就話只係藉卡通幽默一下啫。
|
| |
| |
