【明報專訊】和暖天氣下，維港多處呈現壯麗嘅霧海景象。天文台話，受一股溫暖海洋氣流影響，噚日錄得26.8℃，係今年以來最高氣溫；至傍晚6點幾，本港多處地方有霧，Emily身處柴灣嘅報館望出窗，工業區對開海面就結集咗一團厚厚嘅「平流霧」。 天文台解釋，由於一股潮濕偏南氣流吹入海港時遇上冷凍海面，因而形成霧，從高處眺望，雲霧從小西灣一直延伸至筲箕灣海岸，杏花邨嘅大廈也幾近湮沒，恍如棉花浮游海面，吸引兩岸市民駐足拍攝。 而明報嘅同事就喺天台影咗呢張好有feel嘅全景圖，左邊係往杏花邨方向，中間係柴灣工廠區，右邊就係小西灣運動場同藍灣半島。 不過，亦疑因大霧影響，噚晚8點幾長洲避風塘對開海面發生渡輪連撞兩漁船意外，其中一艘漁船入水沉沒，幸無人受傷。 天文台預計今日晚間會轉吹和緩至清勁東北風，氣溫顯著降至約19℃。 (全景圖，覃純健攝)
|
| |
| |
;){kind=small}
