【明報專訊】公民黨大狀湯家驊(Ronny)農曆新年去咗印度洋島國塞舌爾玩，但就唔見咗潛水相機，不過佢噚日就大爆自己仲有唔少出遊蝦碌事。話說Ronny上年去倫敦時違例泊車，更搞到畀人追數，但佢話其實已經交咗罰款，會抗爭到底。 話已交罰款 抗爭到底 Ronny話，嗰次佢去倫敦打高球，本來已經整爛咗支高球棍，點知仲有更慘嘅事，就係違例泊車被罰款65英鎊。佢話原本租車公司已經幫佢畀咗錢，仲收佢20%行政費，點知租車公司又賣咗條數畀收數公司，收數公司繼續追佢錢之餘，仲話佢遲還，話Ronny夾夾埋埋欠款成百幾鎊。Ronny話，因租車公司聲稱已經交咗罰款，佢唔會就範。佢喺英國都有專業資格，唔知㷫起上嚟會唔會披甲上陣？
|
| |
| |
