【明報專訊】將軍澳堆填區同興建焚化爐(簡稱一堆一爐)撥款申請可謂一波三折，立法會工務小組前日開會遇上旁聽公眾喧嘩搞到要轉房開會，小組主席盧偉國一度唔畀公眾及傳媒旁聽，令會議一度閉門15分鐘。不過，盧偉國噚日就否認有閉門舉行會議，因為立法會仍然有網上直播！

上月被踢爆傳錯WhatsApp短訊，不足一個月又出現「閉門」會議事件，盧偉國做主席後接連出現蝦碌，但佢無有怕，強調自己好有承擔。不過，民建聯蔣麗芸就批評盧偉國唔知驚乜，仲質疑佢怕被司法覆核，唔肯剪布。

30撥款申請 不會調議程

盧偉國噚日同Emily講自己唔驚，亦唔係個人榮辱問題，但要確保工務小組做到�洁C工務小組已處理��78項「一堆一爐」臨時動議，仲有26項要處理，若拉布繼續，或會影響議程內其餘30項撥款申請，當中瑪麗醫院重建工程已出標書，若未能及時批出撥款，重新招標或會令工程造價�C升。盧偉國都承認，要�鶼趕疵e完成審議30項工程撥款有困難，但佢唔會調動議程，先審議其他撥款項目、再審「一堆一爐」，話否則咁樣做法係「唔健康」喎！