【明報專訊】新民黨前晚舉行3周年晚宴，筵開逾50席，主席葉劉淑儀貴為行政會議成員、副主席田北辰係全國人大代表，唔少政商界人士都畀面出席，特首梁振英、3名司長全部到賀，雖然活動�鰬P期六晚搞，但政務司長林鄭月娥亦留低食飯，律政司長袁國強雖然唔多願意，但都肯開金口同田二少合唱。

田二少先點名高永文合唱

田二少每年黨慶都會唱歌，呢個唔係咩新聞，以前佢�鴭蝩伢穔M唔少得食物及衛生局前局長周一嶽，不過前晚周一嶽唔在場，咁田二少搵邊個同佢唱呢？佢就點名要食衛局長高永文上台，搞到高永文都忍唔住問佢，係咪認錯�鼳\係上任，以為佢都好鍾意唱歌？佢兩人就同另一副主席潘國山齊齊合唱《把根留住》。

後來田二少話點名要求袁國強上台，袁國強都幾無奈，二少問佢係咪剛返港，袁國強就話「係呀，咁我係咪可以落番台？」田二少當然唔放過佢，反問對方�鷏g民聯晚宴唱歌，�M家係咪畀面經民聯唔畀面新民黨？聽到呢句，袁國強幾唔願意都要唱啦，最終兩人合唱《沉默是金》。