【明報專訊】早前立法會上演預算案「拉布戰」，工聯會王國興話拉布一日浪費255萬公帑，金額足夠買10幾萬罐午餐肉或者豆豉鯪魚。噚日立法會內委會討論係咪引用特權法成立專責委員會查高鐵工程延誤，社民連梁國雄「抄橋」，話高鐵工程延誤一旦搞到超支200億，「買狗餅畀你(王國興)都可以有20億罐，10蚊一盒，食死你，18代都食唔晒」。

王反擊：狗口長不出象牙

王國興�鷊|上無即時反擊，淨係低頭睇文件，反而佢黨友黃國健為佢出頭．要求長毛收回言論。長毛當然唔肯，反問「狗餅點解人唔食得？」，仲話「民建聯同事們，你買狗餅我一定食，我食過啦」。

會後王國興同Emily講，長毛「狗口長不出象牙」，知道長毛係撩交嗌，所以費事理佢喎。